अष्टलक्ष्मी स्तुति | Ashtalakshmi Stuti | सुख-समृद्धि, संतान व विजय प्राप्ति हेतु नित्य सुनें @Mere Krishna <br /><br />#ashtalakshmi #mahalakshmi #mahalaxmi #lakshmi #lakshmidevi #maalaxmi #अष्टलक्ष्मीमंत्र #अष्टलक्ष्मी #महालक्ष्मी <br /><br />श्रीअष्टलक्ष्मीस्तुतिः <br /><br />रथमध्यामश्वपूर्वां गजनादप्रबोधिनीम् ।<br />साम्राज्यदायिनीं देवीं गजलक्ष्मीं नमाम्यहम् ॥ १॥<br /><br />धनमग्निर्धनं वायुः धनं भूतानि पञ्च च ।<br />प्रभूतैश्वर्यसन्धात्रीं धनलक्ष्मीं नमाम्यहम् ॥ २॥<br /><br />पृथ्वीगर्भसमुद्भिन्ननानाव्रीहिस्वरुपिणीम् ।<br />पशुसम्पत्स्वरूपां च धान्यलक्ष्मीं नमाम्यहम् ॥ ३॥<br /><br />न मात्सर्यं न च क्रोधो न भीतिर्न च भेदधीः ।<br />यद्भक्तानां विनीतानां धैर्यलक्ष्मीं नमाम्यहम् ॥ ४॥<br /><br />पुत्रपौत्रस्वरूपेण पशुभृत्यात्मना स्वयम् ।<br />सम्भवन्ती च सन्तानलक्ष्मीं देवीं नमाम्यहम् ॥ ५॥<br /><br />नानाविज्ञानसन्धात्रीं बुद्धिशुद्धिप्रदायिनीम् ।<br />अमृतत्वप्रदात्रीं च विद्यालक्ष्मीं नमाम्यहम् ॥ ६॥<br /><br />नित्यसौभाग्यसौशील्यं वरलक्ष्मीं ददाति या ।<br />प्रसन्नां स्त्रैणसुलभां आदिलक्ष्मीं नमाम्यहम् ॥ ७॥<br /><br />सर्वशक्ति स्वरूपां च सर्वसिद्धिप्रदायिनीम् ।<br />सर्वेश्वरीं श्री विजयलक्ष्मीं देवीं नमाम्यहम् ॥ ८॥<br /><br />अष्टलक्ष्मींसमाहारस्वरुपां तां हरिप्रियाम् ।<br />मोक्षलक्ष्मीं महालक्ष्मीं सर्वलक्ष्मीं नमाम्यहम् ॥ ९॥<br /><br />दारिद्र्यदुःखहरणं समृद्धिमपि सम्पदाम् ।<br />सच्चिदानन्दपूर्णत्वं अष्टलक्ष्मीस्तुतेर्भवेत् ॥ १०॥
